Nobeta Ocalanî rê Azadîye grûba Duisburgî de ya

Nobeta Azadîye ke seba azadîya Rayberê Şarê Kurdî Abdullah Ocalanî bajarê Strasbourgî yê Fransa de yena tepiştene, hewteyê 343. de hetê grûba Duisburgî ra dewr gerîyaye.

Nobeta Ocalanî rê Azadîye ya ke 25ê Hazîrane ya 2012î de bajarê Strasbourgî yê Fransa de vernîya Konseya Ewropa de ameye destpêkerdene, sey her hewteyî no hewte zî bi tewrbîyayîşê grûba newî dewam kena. Nobete no hewte hetê grûba Duisburgî ra ameye dewrgirewtene.

Bi nameyê grûba ke Berîvan Talaye, Kahraman Çelîkçel, Mûstafa Tûzak û Oktay tede ca gênî, endama Meclîsê Cinîyan ê Duisburgî Berîvan Talaye qisey kerd. Talaye bale ante tecrîdî ser û vat ke Ewropa xo sey merkezê heqê merdiman vînena la vera tecrîdê girdkerdeyî bêveng a. Talaye çalakîyê grevê vêşanîye zî vistî vîrî û  waşt ke CPT ganî cade wezîfeyê xo bica bîyaro. Talaye muhîmîya rolê Ocalanî ser o virderte û va: ‘‘Rayberîya ma tim aşitîye û huzûr waştêne, la ê ke hemverê ma de yê naye ra fam nêkenê. Ma do heta azadîya Rayberîya xo çalakîyan rê dewam bikerê.‘‘

Hetê bînî ra çalakwanan ra Mustafa Tuzak seba paştîdayîşê grevê vêşanîye roja Yewşeme ra grevê vêşanîye de yo.