Pêşnîyaza qanûnî ya weşîye ke rejîmê Erdoganî waştêne Heyetê Meclîsî ra bi heme madayan ameye qebûlkerdene.

Peşnîyaze ke bi reyanê zafan ê AKP û MHPyî ameye qebulkerdene tena madeyê 5ine tayî ame bedilnayene.

Madeyê 5ine doktorê ke bi Qerarnameyê Hukmê Qanûnî (KHK) ameyî ixraçkerdene înan eleqedar keno. Goreyê nê madeyî doktorî ke ameyê îxraçkerdene tena eşkenê nêweşxaneyanê taybetan de bixebitî. Wextê pawitişê hekîman ê 600 rojan zî 450 rojan rê ame warardene.

Hemserekê Çimeyê Tabîban ê Amedî Dr. Şerîf Demîrî ke ANFyî rê qisey kerd ard ziwan ke ewro çîyê ke xebatkaranê weşîye rê benî siba do grûbanê gureyî yê bînan rê zî bibî. Coka ganî ma heme yew bi û vera nê caardişanê bêhuqûqîyan û ûsulanê keyfîyan reaksîyon ramojnê.