Rojnamegerî Demîre û Aydine ameyî tepiştene

Muxabîra Ajansê Mezopotamya Rûkene Demîr û muxabîra Jin Newsî Melîke Aydin ameyî tepiştene.

Muxabîra Ajansê Mezopotamya Rûkene Demîr û muxabîra Jin Newsî Melîke Aydin ê ke 12ê teşrîna peyêne de Îzmîrî de ameyî destbendkerdene, bi îdîaya ‘rayraberdişê falîyetê rêxistine‘ ameyî tepiştene. Rojnamegerê ke ameyî tepiştene ameyî berdene bi Zîndanê Cinîyan ê Qefilnayeyî yê Alîaga Şakran ê Îzmîrî.

Endamê Komeleya Paştdayîşê Keyeyanê Tepişteyan (TUHAY-DER) Selma Altan, Mazlûm Koç, Ramazan Yavûz, Saît Bahadir, Mûrat Tûfan, Îsmaîl Akbay, Şeyhmûs Daghan, Hasan Haysî Dîkîlîtaş û Hedîye Tekîne yê ke heman operasyonî de ameyî destbendkerdene yê zî ameyî tepiştene. Mehmet Gergîn bi ‘qedexeyê teberê welatî‘ serbest veradîya.

Îdarekaranê TUHAY-DERî verê edlîye de qerar protesto kerd. Hemserekê komele Ahmet Ertaşî ard ziwan ke ê do nê zextan qebûl nêkerê û verê înan de milê xo çewt nêkerê. Ertaşî vat ma nê qerarî nas nêkenê û waşt embazê înan cade serbest veradîyê.