Seba dengbêjîye Kampanyaya Mîrasê Kulturî

Hunermenda opera ya kurde Pervîne Çakar seba ke dengbejîye Lîsteya Mîrasanê Kulturî ya Dinya ya UNESCO de ca bigêra înternetî ser o kampanyaya îmza daye destpêkerdene.

Hunermenda opera ya kurde Pervîne Çakar seba ke dengbejîya ke Edebîyatê Fekkî yê Kurdan de rolê ci yê pîl esto Lîsteya Mîrasanê Kulturî ya Dinya ya UNESCO de ca bigêra sîteyê înternetî bi nameyê change.org ser o kampanyaya îmza daye destpêkerdene. Kampanya bi kurdkî, îngîlîzkî, almankî, îtalyankî û tirkî bi temamî 5 ziwanan ra yena pêardene.

Çakare vat: ''Seba ke dengbejîye nêra vîrkerdene û bêra pawitene, vilakerdene kampanyaya winasêne daye destpêkerdene. " Çakare îfade kerd ke aye verê cû zî seba ke Komeleya Kultur û Hunerî ya Evdalê Zeynikê lîsteya mîrasanê kulturî yê dinya de ca bigêra xîret kerd. Çakare ard ziwan ke seba ke kampanya eleqa bivîna û biba pîl hewceyê înan bi paştdayîşê komeleyanê kultur û hunerî esto. Çakare pare kerd ke Keyeyê Dengbêjan o ke hetê şaredarîyan ra yeno paştdayene cayêko girîng o û dengbêjîye bi nê hewayî ganî manena û sere de hunermendan venga her kesî da ke paştî bido kampanya.

Kesê ke wazenê paştî bidê kampanya nê lînk ser o eşkenê biresê kampanya:

https://www.change.org/p/unesco-dengb%C3%AAj%C3%AE-has-to-be-cultural-heritage-by-unesco/psf/promote_or_share?guest=existing&short_display_name=%C3%96mer&recruiter=340758591&source_location=react-fe