Şaristanê Silêmanî yê Başûrê Kurdîstanî de rayberîya dezgehê Nûwêgerî de seba ke îşxalê Rojawanî ser o bala dinya bêra antene pêramotişê  resiman ame akerdene.

Hunermendan  bi resimanê xo yê ke behsê îşxal û qirkerdişê Rojawanî kenê beşdarê pêramotişî bîyî û ard ziwan ke ê do ameyeyê pêramotişî  bierşawê Rojawanî. pêramotiş do di rojî dewam bikero. Îdarekaranê pêramotişî ra Rûbar Ehmedî derheqê pêramotişî de qisey kerd û vat ke hunermandanê silêmanîyîjan 25 tabloyê xo pêşkêşê kerdî.

Resam Qanî Ebdulqadirî zî îfade kerd ke seba ke bi hunerê xo eşkeno paştî bido Rojawanî kêfweş o. Qanî Ebdulqadirî pêro hunermendanê pêramotişî rê sipas kerd û vat ke bi paştdayîşan xebatêka weşe vejîyaye meydan.