Çalakîya Strasbourgî rê paştîdayîşê her roje zêde benî. Vizêr reyna xeyle sîyastmedaranê û temsîlkaranê rêsixtanan ê Ewropa çalakwanî zîyaret kerdî.
Zîyaretkaran ra Danîelle Simonnete ke Partîya Çepe ya pabesteya France Insoumise ra endama meclîsê şaredarîya Parîsî ya û heman wextî de vervatoxa neteweyîye ya La France Insoumise yo ke raameyîşanê çepgiran ê tewr girdan ê Fransa ya, bi nameyê partîya xo paştî da çalakwanan.
Simonnete çalakîya grevê vêşanîye silam kerd û vat ke a zî nameyê parîya xora sey xeylî sîyasetmedaranê Ewropa paştî dana xoverdayîşê Kurdan û do paştîdayîşê înan heta serkewtiş dewam bikero.
Simonnete polîtîkaya hêrişkare ya Erdoganî ya vera Kurdan şermezar kerd, vera gefanê Erdoganî yê serê Rojawanî reaksîyon ramot û va:‘‘ Dewleta Tirkî bi hêrişî wazena ke projeya demokratîke yê Sûrîye çîn bikere. Ganî vernîya hêrişê Tirkîya bêro girwtene. Seba naye hewceyê konferdansêkê aşitîye yê mîyannteweyîye bêro viraşten û Kurdî sey hetêk bêrî naskerdene. Ganî Fransa û Yewîya Ewropa PKKyî lîsteyê ‘rêxistnanê terorî‘ ra vejî. Berpirsîyarîya Ewropa ya vera Kurdan esta û ganî naye bica biyare.‘‘