Bajarê Monchengladbachî yê Almanya de, sazgehê tîyatroyî ya bi nameyê Theater Monchengladbach wextêko derg o serê kayê bi nameyê “Cinîye Cuye - Der Aufbruch" xebitîyenê. Kay hetê Anina Jendreyko ra ame amadekerdene û hetê Volksbuhne Baselî ra ame pêşkêşkerdene. Kayî de qalê 3’ê Tebaxa 2014’î û bîyayîşê ke a roje Şengal de qewemîyê yeno kerdene.

Çeteyanê DAÎŞ'î a roje Şengal û der û dorê ci de nêzdîyê 5 hezar Êzidî kiştibî; bi hezaran cinî û domanî esîr girewtibî. Se hezar ra zêdetir Êzidîyê ke zulmê çeteyan ra remayê, bi saya korîdor o ke hetê gruba şerwananê  YPG/YPJ'î ra amebi akerdene, xelisîyabî.

Kayo ke hetê Anina Jendreyko ra ameyo amadekerdene, sehneyê ci hetê Martina Ehleitere, resimê ci hetê George Faulhaber, muzîkê ci hetê Suleyman Çarnewa, Sosin Elenya û Metîn Yilmaz, dramatûrjîya ci zî hetê Martin Vohringerî ra ame amadekerdene. Kayê “Cinîye Cuye - Der Aufbruch" trajedîya Şengalî û xoverdayîşo ke ameyo dayene nîşanê tîyatroheskerdoxanê Almanan dano.

Kay bi hetkarîya Federasyonê Meclîsanê Cinîyan ê Ezidîyan ê Almanî û Enstîtuya Goetheyî ya Iraqî ame amadekerdene. Numayîşo verên siba saete 20:00 salona tîyatroyî ya Monchengladbachî de do bêro nawnayene.

Zanayîşanê hîratiran ê serê kayî şima eşkenê na adresa cêrêne ser o bivînê:

https://theater-kr-mg.de/spielplan/inszenierung/jin-jiyan-der-aufbruch/