Pera Fîlm temaşekaran rê tarîxanê 18 - 28ê Teşrîna verêne de weçîniteyêkê fîlmanê dîrektor Danis Tanovićî pêşkêş keno.

Programê bi nameyê “Mîrasê Vîrî: Danis Tanović”, panc fîlmanê dîrektorî ser o vindeno û meseleyanê sey wexto ke vîr esterêno de ro kokê xo agêrayîş, çîyê ke ma bîyê şahid ma senî neql kenê û vîro ke roje bi roje beno kemî reyna senî ro xo hesêno gêno xo dest.

Fîlmê Danis Tanovićî “Herêma Bêhete” ke qalê Şerrê Bosnayî yê 1993yî keno fîlmo metrajderg o ke fîlmanê tewr zaf xelatî girewtê ra yew o. Nê fîlmî de eskerê Bosnayij û Sirpijan ê ke xo mîyanê herêma bêhete de caverdîyaye vînenê yenê qalkerdene. Fîlmê êyê bi nameyê “Gama Cuyêka Weşike Yena Xeyalkerdene” de zî hîkayeyêka herêma Balkanî ke tim bi şerr yeno vîrî ser o awan bîyo. No fîlmo ke temaya eşqî ser o ronîyayo hendeyo ke romantic o ehend zî trajîk o. Program de kîşta nê fîlman de fîlmê ê yê bi nameyê “Cuya Xurderoşêk” û “Saraybosna de Merg” zî ca gênê. 

No programê Pera Fîlmî do heta roja 28ê Teşrîna verêne dewam bikero.