Wehşetê Sûrî Den Haag de ame pêramotene
Wextê xoverdayîşanê xoîdarekerdişî yê qezaya Sûrî ya Amedî de sucê rijnayîş û şerî yê ke AKPyî kerdî bajarê Den Haagî yê Hollanda de ameyî pêramotene.
Fotografê Sûrî yê ke fotografkêşo Hollandayij Pîet Den Bankenî antî roja Sêşemeyî Şaredarîya Den Haagî de ameyî pêramotene û pêramotiş do heta 9ê Kanûne dewam bikero.
Hemşaradara Sûrî Fatma Şik Barûte, hemserekê Grûba Partîya Hozan a Den Haagî Arjen Kapîteijn û xeylî sîyasetmedarê bînî yê Den Haagî tewrê akerdişê pêramotişî bîyî.
Fatma Şik Barute ke qiseykerdişê akerdişî kerd, pêramotişo ke wehşetê Sûrî ra pêyeno zaf muhîm name kerd û vat ke no pêramotiş do cezakerdişê sucdaran rê havilêka girde bikero.
