Wekîla HDP'yî Surucu rê serrêk û 8 mengî ceza ameye birnayene

Mahkemeya Tirkî serrêk û 8 mengî û 15 rojî cezaya hepisî da wekîla HDP'yî ya Riha Ayşe Surucu.

Wekîla  HDP’yî ya Riha Ayşe Surucu rê serrêk û 8 mengî û 15 rojî cezaya hepisî ameye biraneyene.

Roniştişê dewaya Surucu ya ke bi  îddîaya “Mûxalefetê qanûnê rayraşîyayîş  û nawnayîşî” ameyebî sucdarkerdene, Mahkemeya Cezaya  Giran a  Riha ya 6’in de ame viraştene. Surucu seba ke tewrê merasîmê akerdişê Merkezê Cinîyan ê Sara yê Şaredarîya Xelfetî bîya yena muhakemekerdene. Surucu tewrê roniştişê dewa nêbîye. Avûkatanê Surucu roniştişî de da zanayene ke muwekîla înan parlamenter a, coka waşt ke muhakemekerdişê ci bêro vindarnayene. Heyetê mahkeme dayîşê mabênê kilmî ra dima cezaya hepisî ya serrêk û 8 mengan û 15 rojî daye Surucu. Mehkeme ceza taloq nêkerde û rayîrê îstînafî akerde verda. Avûkatê Surucu da zanayne ke ê do dosyaye bêrê mahkemeyê îstînafî.