Weşanxaneyê Vateyî ra Di Kitabê Neweyî yê Îhsan Esparî
Weşanxaneyê Vateyî ke bitaybetî Kirmanckî ser o xebetîyeno û heta nika bi seyan kitabî û 57 hûmarê kovara Vateyî çap kerdî nika zî di kîtabê şaîr û nûştoxê Kirmanckî Îhsan Esparî vetî.
Şaîr û nûştoxê Kirmanckî Îhsan Esparo ke destpêkê Grûba Xebate ya Vateyî ra heta ewro xebatanê standardîzasyonê Kirmanckî (Zazakî) de zî ca girewto di kitabê neweyî vetî.
Nê kitaban ra yew açarnayîş o, o bîn zî şîîrê Îhsan Esparî yê.
Kitabo ke hetê ci ra açarîyayo kitabê hîkayeyî yê Hesenê Metê yê bi nameyê “Li Dêrê” yo. No kitab sey “Dêrê Santa Ragnhild de” açarîya Kirmanckî û weşanxaneyê Vateyî kitab weşana.
Nameyê kitabê şîîran ê Îhsan Esparî yo newe zî “Rengê Şewe Zerrîya Mi De” yo û hetê heman weşanxaneyî ra ame weşanayene.
Her di kitabê ke weşanxaneyê Vateyî ra vejîyayî berhemdarîya kirmanckî yê ke nê serranê peyênan de bîya vêşê kenê dewlemendêr.
Çend kitabê bînî yê Îhsan Esparî yê ke verê cû ameyê weşanayene nê yê:
- Tanî Estanikî û Deyîrê Ma, Weşanên Rewşen, Berlîn 1995/ Çapa dîyine: Weşanxaneyê Vateyî, Îstanbul 2004
- Beyi Se Bena?, Weşanxaneyê Vateyî, Îstanbul 2004
- Dilopê Zerrî, Weşanxaneyê Vateyî, Îstanbul, 2008
