Xirbeyanê şerî mîyan de tîyatro

Vizêr Kobanê de xirbeyanê şerî mîyan de, ke nika sey muzeya akerde ya, kayêka tîyatroyî ameye kay kerdene.

Koma tîyatroyî ke bin banê TEV-ÇANDî yê Kobanê de kayanê tîyatroyan virazena; vizêr saete 18:00 de dest bi kaya xo kerd. Verê ke koma tîyatroyî ya Şehîd Yekta Herekol bivejîya vernîya şêligî, koma muzîkî ya Şehîd Gîvera bi muzîk û deyîranê xo konserêk weş da.

Badê cû koma tîyatroyî kaya xo vernîya şêligî de kay kerde. Derhênerê kaye Mehmûd Çakmako ke o bi xo Xoverdayîşê Sesere yê Efrînî ra dima ameyo Kobanê û beşdarê karê tîyatroyî bîyo, na kaya tîyatroyî nuşta û îdare zî keno. Babeta kaye şerê Efrînî yo. Nameyê kaye zî Zeytûna Sûre ya ke mana xo zeytûna bigonî ya.

FEK KULTUR Û ZIWANÊ XO RA VERANÊDANÎ

Her çiqas ke dişmenî, bitaybetî zî dewleta tirkî û Erdogan ge-ge Rojawanê Kurdîstanî tehdît kenê zî, rojawanijî cuye û xebatanê xo yê kulturî ra dest nêancenê û kulturê xo bi ziwanê xo ya raver benê. Ewro zî xirbeyanê şerî mîyan de kayêka wina bimana ameye kay kerdene.

Kaye rê qandê pîlan gedeyan zî eleqeyêko gird mojna. Wexto ke kaye ameyêne kay kerdene, vîstê hîsinî ameyî cuyayene. Çunke kaye de qala şerî, qehremanî û xayîntîye ameyêne kerdene ke Kobanê wayîrê bi hezaran şehîdan a.

Kaye bi ruhê xoverdayîşî ya peynî bîye.