Xoverdayîşê Amedî roja xo ya 7’ine de yo

Hemverê xespkerdişê şaredarîyanê HDP’yî de xoverdayîşê Amedî roja xo ya 7’ine de dewam keno. Şar reyna kuçeyê Lîse de ame têhet.

19’ê Tebaxe ra nata vera xespkerdişê şaredarîyan Amed de çalakîyê protestoyî dewam kenê. Amedijî ewro reyna kuçeyê Lîse de ameyî têhet.

Parlamenterê HDP’yî  Salîha Aydenîze, Ayşe Acar Başarane, Dersîm Dage, Garo Paylan, Mûsa farîsogullari, Semra Guzele, Hîşyar Ozsoy, Îmam Taşçier û Nîmettûlah Erdogmûş û şarê Amedî reyna kuçeyê Lîse de ameyî têhet. Aktîvîstê TJA, endamê DBP’yî endamê Meclîsê Şaredarîye, serekê pêroyî yê Halkevlerî Nurî Gunay û hemşaredarê Bajarê Pîlî yê Amedî yê Partîya Şaran a Demokratîke (HDP) Selçûk Mizrakli yo ke wezîfeyê ci dest ra ameyo girewtene  zî tewrê çalakîye bîyî. Yeno pawitene ke do saete 13:00 de HDP eşkerayîyêk bido. Nê mabênî derûdorê şaredarîye de ablûqaya polîsan dewam kena.