Fermandarîya Qerarqahê Merkezê Pawitişî ya Şarî bi eşkerayîyêk bale ante tehlukeyanê serra neweyî û qerardarîya xo ya mucadeleyî.

Eşkerayîye ra tayî cayî wina yê:

Projeyê netewa demokratîke yê Rayber Apoyî yo ke way-biratîya şaran, azadîya cinîyan û azadîye û demokrasî esas geno, hêzê  kolonyalîstî nê projeyî ra tersenê û bi destê dewleta Tirkî ya faşîste hêriş kenî. Şarê Kurdî hemverê îşxalkarîya tirkî de hîrê perçeyanê Kurdistanî de mucadele dano. Çi destê dewleta faşîste ra ame kerd û hewna zî zextanê xo domnena. Dişmen hemverê Kurdê azadî de yo.

ERDOGAN SEROKKOMAR NÊ SEREKÇETE YO

Dewleta Tirkî binê nameyê ‘hemverê terorî de mucadelekerdişî‘ herişê şarê herême kena. Heta ke ê wina dewam bikerî şer nêqedîyeno. Serokkomarê Tirk qetilkerdişê Kurdan ra keyf geno, beno şa û naye zî eşkera meydanan de vano. Eşkerayo ke no serokkomar nê serekçete yo. Coka serra 2019î de şer do hîna giran bo. La ma bi felsefeya çareserî û roşnkerdişî ya Rayber Apoyî ewro her wextî ra zafêr serkewtişî ra nêzdî yê.

MODELÊ GERÎLAYÊ NEWÎ

Ma sey hêzê Pawitişê Şarê Kurdistanî wextêko fealîyetê ma yê xo newekerdişî estî.  Bi projeyê newe ra awabîyayîşî, ma wazenê ke gerîlayêkê neweyî biafernê. Bi nê projeyî ma wazenê terzê têgêrayîşî, terzê cuya gerîlatîye û terzê şerî bibedilnê. Ewro grevê vêşanîye zî nê mesajî dano ma. Ma ganî gerîlayê serkewtişî biafernê. Ma bawer kenî ke ma do pawitişê Rayberîye, şar û dostanê xo rê cewab bo‘‘