Merkezê Çapemenî û Îrtîbatî yê HPGyî da zanayene ke çalakîya gerîlayan a Lêlîkanî de mewzîyek ameye îmhakerdene û 4 leşkerî ameyî kiştene.

Eşkerayîye de ca dîya nînan:

‘‘Saetanê sibayî yê 5ê Kanûne de Başurê Kurdistanî de Qilê Lêlîkanî yê pabesteyê Sîdekanî de çalakîyêk ameye viraştene. Netîceyê çalakîya bitesîrî de mewzîyêka dişmenî bi temamî ameye îmhakerdene, goreyê tesbîtan 4 leşkerî ameyî kiştene.

Hêzanê ma heman roje de saetanê nîmrojî de reyna Qilê Lêlîkanî de leşkerî hedef girewtî la derheqê merde û birîndaranê dişmenî de zanayîş nêame girewtene.

TEYAREYANÊ ŞERÎ DEWA ŞÊLAZÊ BOMBARDÛMAN KERD

Saetanê nîmrojî yê 4ê Kanûne de bajarê Zaxo yê Başûrê Kurdistanî de dormeyê Dewa Şêlazê ame bombardûmankerdene. Netîceyê nê bombardumanan de qe zaîyatê ma nêbîyo. Rez û bexçeyê şarê herême zirar dîyî.”