Merkezê Çapemenî û Îrtîbatî yê HPGyî derheqê çalakîya ke Mêrdîn de hetê hêzanê YJA-STARî ra amî viraştene û derheqê hêrişanê hewayîyan ê Başûrê Kurdistanî ser o na eşkerayîye pare kerde.

MÊRDÎN DE ÇALAKÎ

“Roja 24ê Teşrîna verêne saet 03.30 de artêşa tirkî ya îşxalkare dormeyê dewa Bekanî ya pabesteya qezaya Kerboranî ya Mêrdînî de operasyonêk da destpêkerdene. Hêzê ma yê YJA-STARî yê ke yewîyanê dişmenî qey demêk nizd ra şopnayêne çarçiwaya Hemleya Şorişgêre ya Şehîd Delal Amede û Şehîdanê Besta de heman roje de saet 09.20 de qolêkê operasyonî hedef girewt. Na çalakîye de ke yewîya dişmenî mesafeyêkê nizdî ra amî panayene 4 leşkerî ameyî kiştene.”

HÊRIŞÊ HEWAYÎYÎ

Teyareyanê şerî yê artêşa tirkî ya îşxalkare roja 30ê Teşrîna verêne de mabênê saetanê 17.00 – 18.00 û 21.00 – 21.30 de dewê Bêbadê û Kanî Mazî yê pabesteyê şaristanekê Çemankê yê Duhokî bombardûman kerdî. Netîceyê bombardûmanî de camîyêk û xeylî keyeyê dewijan raşîyayî, rez û baxçeyê înan zirar dîyî.

Roja 31ê Teşrîna verêne mabênê saetanê 15.00 û 20.00 de teyareyanê şerrî bi mabênanê bewlîkerdeyan mintiqeya Tepê Sorî ya pabesteya herêma Basya ya Wareyê Pawitişê Medya bombardûman kerde.