Merkezê Îrtîbat û Çapemenîya Hêzê Pawitişê Şarî (HPG-BÎM) bi îzehetêko nuştekî, derheqê çalakîyê ke Vakur û Başûrê Kurdîstanî de ameyî viraştene de melumatî dayî.

Îzehetê HPGyî wina yo:

“Hêzanê ma 2ê teşrîna verêne de çarçewaya Hemleya Şorişgêrî ya Şehîd Pîroze û Şehîd Agirî de vera leşkerê Girê Koordîne yê qezaya Çelê ya Colemêrgî de ca bîyî de çalakîyêk viraşta. Çalakîye de dîyayo meterîsanê dişmenî ro, labelê hûmara merde û birîndaran de melumatêko zelal nêameyo girewtene. Çalakîye ra dima artêşa tirkî herême bi obus û hewanan bombarduman kerdo.

Eynî roje hêzanê ma saete 17.10 de vera leşkerê ke Girê Lêlikanî yê Sîdekanî de ca bîyî de çalakîya suîqestî viraşta. Netîceyê çalakîye de leşkerêk ameyo kiştene. Çalakîye ra dima artêşa tirkî bi helîkopteran war bombarduman kerdo.

SERHED DE DÎYA KONTRAYAN RO

Hêzanê ma 2ê teşrîna verêne saete 14.30 de vera kontrayê ke ewleyîya Dîlucu ya Îdirî girewtêne de çalakîyêk viraşta. Nizdî ra û bi hawayo tesîrin dîyayo kontrayan ro û labelê hûmara merde û birîndaran nêameya zelal kerdene.

Hêzanê ma eynî roje saete 17.30 de vera wesayîtê mîkserî ke aydê dagîrkeran bî de çalakîya sabotajî viraşta. Çalakîye de wesayîtê mîkserî bi temamî ameyo îmha kerdene. Labelê hûmara merde û birîndaran nêameya tesbît kerdene.

HERIŞÊ TEYARAYAN

Teyarayê artêşa tirkî 2ê teşrîna verêne saete 22.00 de warê Kunîşka yê herêma Zapî bombarduman kerdo û netîceyê bombardumanî de ti zaîyatê ma nêbîyo.”