Çalakvana yewine ya çalakîya diyîne ya Lêlikanî

Herêma Bradostî ke artêşa tirkî îşxal kerdo de çalakîya dîyine ya qilê Lêlikanî, çalakîya yewine ya Dunya Axîne bîye. Dunya Axîne sîlehê B7î şuxulnayêne, la guleyê ci qedîyabî û binê adirî de bîye...

Gerîla Dunya Axîne tewrê çalakîya yewine ya leweyê Lêlikanî ke artêşa tirkî îşxal kerdo, nêbibî. Ya dîyine de zî tewrê keşîfê ci bîye. Axîne komûtaya qolê hîre kesan yê Zinarî de B7î do bi şuxulnayêne. Reya yewine bî ke tewrê çalakîye bîyêne û B7î şuxulnayêne.

Gerîla Dunya Axîne ANFyî rê çalakîya xo ya yewine ser o qisey kerde: “Wexto ke ma qilî ra dîyar şîyênê, muhîmatê ma bine giran bi. Cayê ke ma kewtêne tengayî, ma barê yewbînî pare kerdêne û naye ra mi moral û hêz girewtêne. Ma şewe ra kewtê rayîr, nizdîyê hedefî bîyî û vejîyayîşê rojî pawit. Zinar û Kawa va ‘ti tîya bipawe, ma binê şinî nizdî û keşf kenê’. Wexto ke ê seba keşfî şîyî, ez tena mendbîya. Agêrayîşî de Zinarî va ‘ma heto xelet ra ameyî, ganî ma lez û bez şorî cayo raşt.’ Çalakîya ke destpêkerdişê ci sey saete 12.00 organîze bibi, ancax saete 14.00 de dest pêkerd. Seba ke ma şew rayîrra şîbî, mi zaf zorîye ante. Xora ma rayîro xelet ra zî germê nîmê rojî de agêyraybî. La nê zehmetîyê xemê ma de nêbî. Peynîye de cayo ke ma danê hêzanê tirkî ro, ma resayê ci. Zinar û Kawa cayêk de mendî, ez şîya yewna ca. Mi cayê xo girewt û tekmîlê xo da û va 'ez hadre ya’.

GULEYO PEYÊN DE EZ AMEYA DÎYAYENE

Cayê mi ra 6 mewzîyê leşkeran asayêne û ganî mi peroyê îmha bikerdêne. Heta ke mi guleyo verên meteqnayêne, heyecanê mi nêqedîyayêne. Ez zaf heyecanin bîya la mi panîk nêkerd. Bi destpêkerdişê çalakîye, mi guleyê dîyin teqna. Reya verêne bi ke mi B7î şuxulnayêne. 6 mewzîyê ke mi hedef girewtbî, mi da piro. Wextê peyserantişî de seba eştişê guleyo peyên yê B7î, mi nîşan girewtêne, la leşkeran ez dîya. Mewzîyanê bînan zî ez hedef girewta û adir kerde mi ser ra. Ez wina girêdaye menda. Seba xo pawitişî û ewja ra vejîyayîşî zî guleyê mi çinêbî. Mi nêzanayêne ez se bikera. Tam o wexto tengî de Zinar bi fedaîtîye da mewzîya ke adir kena mi ser ra, ro. Mewzî ame îmha kerdene û ez cayê xo ravejîyaya, xelisyaya.

HEMRAYÎYE XORA WINA YA

Ma bi serkewtişî çalakîya xo viraşt. Hem ma derbe da dişmenî ro hem zî ma ra kes nêkişîya. Hemrayîya PKKyî wina ya. Seba embazê xo, ganê xo feda kenê. Çalakîya mi ya yewine bî la seba mi her hetî ra tecrubeyêko gird bi.