Merkezê Çapemenî û Îrtîbatî yê HPGyî derheqê çalakîyanê ke Qilê Lêlikan ê Başûrê Kurdistanî, qezaya Çelê ya Colemêrgî û herêma Cûdî ya Şirnexî de ameyî viraştene hayîdarî daye. Eşkerayîya HPGyî de derheqê operasyonê Mêrdînî û hêrişanê hewayîyan ê hemverê Wareyanê Pawitişî yê Medya de zî hayîdarîyî estê.

Eşkerayîya ke sîteya HPGyî de ya wina ya:

„Çarçiwaya Hemleya Şorişgêre ya Şehîd Pîroze û Şehîd Agirî de hêzanê ma hemverê artêşa tirkî ya îşxalkare de çalakîyî viraştî. Detayê çalakîyanê ke na çarçiwa de ameyê viraştene wina yê: 

SIDEKAN DE ÇALAKÎ

Roja 20ê Teşrîna verêne de (ewro) saet 08.30 de, vera leşkeranê dişmenî yê ke Qilê Lêlikan ê pabesteyê Sidekan a ke kewena erdê Başûrê Kurdistanî de bica bîbî çalakî amî viraştene. Mewzî û wesayîtê zirxinî yê dişmenî yê ke qil de bîyî gîrîyayî binê gulebaranêkê kesifî, hûmara leşkeranê kişte û birîndaran nêamî tespîtkerdene.   

ÇELÊ DE MEWZÎYA ESKERÎYE AMÎ ÎMHAKERDENE: 3 KIŞTEYÎ

Heman roje de saet 08.30 de hêzanê ma hemverê îşxalkaranê ke xo Qilê Koordîne yê pabesteyê Çelê yê Colemêrgî de bica kerdîbî çalakîyêk viraşte. Mewzî û stargeyê ke qil de bîyî ameyî hedefgirewtene, na çalakî de 1 mewzî bi temamî amî îmhakerdene, qaso ke tespît bi 3 leşkerê dişmenî zî ameyî kiştene.  

CÛDÎ DE 1 LEŞKER AME KIŞTENE

Roja 16ê Teşrîna verêne artêşa tirkî ya îşxalkare bi paştîdayîşê yewîyanê nimiteyan mintiqeyanê Sefinê, Deriyê Cebraîl, Deriyê Çilmî û Kerê Srobitnê yê Koyê Cûdî yê Şirnexî de operasyonêk da destpêkerdene. Çarçiwaya Hemleya Şorişgêre ya Şehîd Delal Amed û Şehîdê Besta de yewîyêka dişmenî ya nimitî ke roja 19ê Teşrîna verêne de waştêne xo wareyî ra apey bianco saet 16.30 de, mintiqaya Kerê Sorbitnê de bî hedefê hêzanê ma. Yewîya dişmenî ke bi hawayêkê tesîrdarî amî pirodayene qaso ke tespît bi 1 esker ame kiştene. Hêzê dişmenî heman roje bi hawayêkê bênetîceyî xo wareyanê operasyonî ra antî.  

MÊRDÎN DE OPERASYON

Artêşa tirkî ya îşxalkare bi paştîdayîşê yewîyanê nimiteyan 19ê Teşrîna verêne de, saetanê şewe de wareyanê Xirabê Bava û dewa Talatê yê pabesteyê qezaya Nisêbînî ya Mêrdînî de operasyonêk da destpêkerdene. Operasyon ê wareyan de hewna zî dewam keno.

HÊRIŞÊ HEWAYÎYÎ

Roja 18ê Teşrîna verêne saet 09.40 de teyerayanê şerî yê aîdê artêşa tirkî ya îşxalkare dewa Aris Farisî ya pabesteya herêma Avaşînî ya Wareyanê Pawitişî yê Medya bomberdiman kerde. Ancî roja 19ê Teşrîna verêne saet 04.45 de teyareyanê şerî wareyê Adilbegîke pabesteyê herêma Avaşînî yo bomberdiman kerd. Netîceyê bomberdimanan de rez û baxçeyanê herême de ziraro madî virazîya, tu vindîyê ma yê gerîlayan nêvirazîya.