Merkezê Çapemenî û Îrtîbatî yê HPGyî derheqê çalakîyanê gerîlayan û hêrişanê hewayîyan ê artêşa Tirkî ya îşxalkare de eşkerayîye daye.

HPGyî da zanayene ke gerîlayan roja 27ê Teşrîna peyêne saet 11.00 de hemverê artêşa Tirkî ya îşxalkare ke xo Qilê Şundirê yê qezaya Çelê ya Colemêrgî de bica kerdebî çalakîyêk viraşte. HPGyî wina vat: “Çalakîye de mewzî û stargeyê dişmenî bi hawayêkê biîsabetî ameyî pawanayene, hûmara leşkeranê kişte û birîndaran tesbît nêbî. Artêşa Tirkî ya îşxalkare ke çalakîye ra dima wareyî bi obus û topanê hewanan bombardûman kerdî, bi helîkopteranê tîpê Skorskyan leşkerê xo yê kişte û birîndarî wedartî.

Hêzanê ma roja 28ê Teşrîna peyêne saet 13.30 de hemverê leşkeranê dişmenî yê ke xo Qilê Şehîd Colemergî yê pabesteyê Çelê de bica kerdîbî çalakîyêk viraşte. Na çalakîya ke tede mewzîyê dişmenî bi hawayêkê bitesîrî ameyî pawanayene hûmara leşkeranê kişte û birîndaran nêamî tesbîtkerdene. Çalakîye ra dima hêzanê îşxalkaran wareyî raşte raşt da verê bombardûmanî.”