Çewlîg de şar rîyê bêawîye ra vewre helêneno

Yenîmehlaya Çewlîgî ya  ke hewteyêko awa ci peysayîya, hemwelatijî herinda awe de vewre ke serê soba de helênenî aye  şuxulnenî.

Yenîmehlaya Çewlîgî ya ke hewteyêko awe ci ameya birnayene. Nê rojanê serdinanê  ke vewre metreyêk ravêrta  şar herinda awe de bi helênayîşê vewre îhtîyacê xo bica ano.

Goreyê xebara ajansa Çewlîgî hemwelatijê  ke awe înan peysayîya teber ra vewre arê danê serê soba de helênenî bi naye îhtîyacanê xo yê esasîyan bica anê. Hemwelatijan ra tayînan şaredarîya Çewlîgî rê hêrsê xo ard ziwan û vat ke no serd o sipir de hewteyêko  awe înan ameya peysayene û ê naye ra tengayîya pîle ancene.