34 hemwelatijê ke Qirkerdişê Roboskî de ameyî qetilkerdene Çewlîg de bi eşkerayîyek ameyî vîrardene.

Eşkerayîya ke vernîya banê HDPyî de ameye viraştene parlamenterê HDPyî yê Çewlîgî Erdal Aydemîrî ya pîya xeylî îdarekarê partî û hemwelatijî tewrê ci bîyî. Xeylî polîsî zî cayê eşkerayîye de kom bîyî. Eşkerayîye de hêvêr Aydemîrî qale girewte. Aydemîrî vat ke  cezanêkerdişê kiştoxan semedê edaletê komelî eybeko gird o. Do cigêrayîşê edaletî yê ma dewam bikero.

Bado zî hetê serekê qeza yê bajarî Zeynel Barlasî ra eşkerayîye ameye wendene.

Eşkerayîye de ame vatene ke eke Qirkerdişê Roboskî yewna welatî de bibîyêne hukmat kewtêne, la Tirkîye de kesêk îstîfa zî nêkerd. Kiştoxê qirkerdişî hetê hukmatê AKPyî ra ameyî mukafatkerdene. Kiştoxî  peynîra tewr peynî ganî hesab bidê.

XOVERDAYOXANÊ ZÎNDANÎ RÊ KARTÎ AMEYÎ ŞAWITENE

Eşkerayîye ra dima seba paştîdayîşê grevê vêşanîye xoverdayoxanê zîndanî rê kartî ameyî şawitene.