Goreyê Walîtîya Çewlîgî  merkez û qezayan de  xeylî cayê ke wextêko derg o ke qedexe yî,  nê cayan de qedexe ameyo dergkerdene.

Nê cayan rê 27ê Teşrîna verêne (ewro) ra heta 10ê Teşrîna peyêne dekewtiş û ci ra vejîyayîş qedexe yo.

Herêmê ke qedexe ameyo dergkerdene nê yî:

Merkezê Çewlîgî de Ortaçanak, Wareyê Hasarî, Girê Hasarî, Feratan, Wareyê Çirî, Newala Merdîvenî û Newala Monçu. Qezaya Azarpêrtî de Koyê Şeytanî, Newalê Şeytanî, herêma Îlbey, Newala Sevkarî. Qezaya Dara Hênî de Saggoze, Buyukçag, Yenîyazi, Dîkpinar, Derman, Şekeranî. Qezaya Bongilanî de herêmê Yenîbaşak-Doguyelî, qezaya Xorxolî de Newala Horîvanîkî-Newalê Tahkîmî, Daristanê Kirkoyî, Newala Manavî û herêmê Guneşlîk û Gokçedalî. Qezaya Gêxî de herêma Çomakdere, qezaya Kanîreşî de Daristanê Karacehennemî, qezaya Çêrme de Wareyê Akimli.