Êzidîyan Koyê Şengalî de Roşanê Şêx Adîyî fîraz kerd

Koyê Şengalî de bi hezaran êzidîyan Roşanê Cimaya Şêx Adîyî fîraz kerde.

Koyê Şengalî de bi hezaran êzidîyan Roşanê Cimaya Şêx Adîyî fîraz kerde. Fermanê 3ê tebaxa 2014î dima reya hîrêyin o ke êzidîyî Roşanê Cimaya Şêx Adîyî fîraz kenê. Roşan di rojî domîyeno; roja yewine de bi hezaran êzidîyî cayê fîrazan yê Koyê Şengalî zîyaret kerdî. Roja dîyine zî do duayî bêrî wendene û goreyê îttîqatî fîrazkerdişî bêrî viraştene.

Roşanê Şêx Adîyî hetê pêroyê êzidîyan ra aşma tebaxe ra heta teşrîna verêne dewam keno. Goreyê edetanê êzidîyan Roşanê Şêx Adîyî her hewte roja pancşeme û îne de yeno fîraz kerdene.