Şaredarîya xespkare awa kanalîzasyonî bi şarî dana şimitene

Şaredarîya xespkare ya Colemêrgî awa kanalîzasyonê eskerî sey awa şimitişî dana şarî. Netîceyê naye de xeylê hemwelatîyî nêweş kewtî.

Colemêrg de wextê şaredarîyanê DBPyî de şar awa pake şimitêne. La qayûmê AKPyî awa pake ya şarî peysna û nika zî awa lêşine ya kanalîzasyonê eskeran dana şarî. Tugayê eskeran ke tebîetî texrîb keno, nika zî zirar dano şarî.

Şaredarîya xespkare ya Colemêrgî verê zî banê tarîxî rijnayî û xizmetê wextê DBPyî zî vindarnaybî. Bi ameyîşê qayûmî Colemêrg bi xerabe. Dereyê Otluca ke kişta Tugayê eskeran ra vîyareno, bi kanalîzasyonê eskerî lêşin beno. Awa şimitişî zî dereyî ra yena guretene û no zî beno sebebê tehlukeyêko gird. Netîceyê naye de bi hezaran kesî bîyî nêweş. Xora Colemêrg de xizmetê weşîye zî çin o. Coka hemwelatîyî nêweşanê xo kirişenî Wan.

Şarê Colemêrgî ke vera hukmatî de hêrsin î, ardî ziwan ke ê bi zanayîşê awa înan lêşin kenê û waştî ke wa demêro raver na xeletîye ra peyser agerî.