Herêma Kûtûdere ya Dêrsimî de şewatê daristanan ke netîceyê bombardûmanê dewlete de vejîyayo, seba ke ci rê mudaxale nêbeno, vila beno. Şewatê herême ke 22ê êlule ra nata dewam keno, şarî waşt ke hewna bikero, la yewîya leşkeran destûr nêda ci.

Hemwelatijan ra Nadîr Bûlûtî şewatê daristanan sey qetlîamê tebîetî hesibna û wina va: “Dewlete bi zanayîşî cografyaya ma veşnena. Wazenê ke herême bêmerdim bikerî. Dewlete Dêrsim de suc kena û ganî na xeletî ra peyser agêrê.”