Adana de ‘tîmê îşkenceyî‘ hêrişê hepsîyan kerd!

Merdimanê hepsîyanê Tipa Fyî yê Zîndanê Adana da eşnawitene ke ‘tîmê îşkenceyî‘ hêrişê hepsîyan kerdo.

Ame dîyarkerdene ke Zîndanê Qefilnaye yê Asayîşê Berzî yê Tipa Fyî yê Adana de, hepsîyê bi nameyê Fîkret Kara û Hakan Incî hetê 20 kesan ra ekibêka bi nameyê ‘quweto amede’yî ra ameyî darbkerdene.

Maya Fîkret Kaya ke muebbet ra zîndan de yo,Naîme Kara da zanayene ke lajê ey vato ke îşkenceyo psîkokolojîk ke tim înan ser o esto nika fîzîkî beno.

HEME HEQÊ HEPSÎYAN GERÎYENÊ BINÊ LINGAN

Naîme Kara qiseykerdişê xo wina domna:‘‘ Bisebebo ke heme heqê hepsîyan gerîyenê binê lingan lajê mi û embazê ci wayîr heqanê xo vejîyene. Ê çend wayîr heqanê xo vejîyene, îşknece zî hende zêdîyeno. Tewr peynî de zî lajê mi û embazêkê ci hetê ekîpo ke taybetî ra ameyî darb kerdene. Esteyê qijanê ma şikitî û rêçê darba durî ra eyseno. Darbanê xo ra nêşkenî miqat xo bî.‘‘

GANÎ MA WAYÎR QIJANÊ XO BIVEJÎ

Kara bi nê vatişan qiseykerdişê xo qedîna:‘‘ Vera gasbkerişê heqanî xoverdayîşê qijanê ma esto.Hetê îradeyî ra qijê ma înan ra jîhatî. La ma seba cuyaya qijanê xo qisawet kenî. Siba çîyek anê qijanê ma sere û vane serê xo visto dêsa. Wezîrê Edelatî vano ke çîyekî zînan de benî kesî eleqadar nêkenî. Nê ewja qijê ma estî û no ma nêzdîye ra eleqadar keno. Ganî ma pêroyê vera qewîmîyayîşanê zîndan hîna hîsdarî têbigêro.‘‘

Maya Hakan Încî, Kader Încî zî da zanayene ke, lajê aye vato ke 20 kesan ra grubêk înan rê bi copan hêriş kerdo û ê erd ra kaş kerdî.