Amed de konferansê ‘Çareyê Neteweya Demokratîke‘

Amed de bi vengdayîşê sîyasetmedar û temsîlkaranê rêxistinanê komelanê sivîlan do konferansê ‘Krizê Rojhelatê Mîyanênî û Çareyê Neteweya Demokratîke‘ bero viraştene.

Konferanso ke do 27-28ê Teşrîna verêne de  Otelê Demîrî yê qezaya Sûrî de bêro viraştene,  cewabê persanê ‘‘Se bikerê, senî bikerê, ça ra dest pêbikerê ?‘‘ ser o yeno vindertene.

 VENGDAYOXÊ KONFERANSÎ

Ê ke seba viraştişê konferasî veng dayo wina yê: Sîyasetmedarê Kurdî Ahmet Turk, Koordînatorê Merkezê Cigêrayîşanê Sîyasî û Komelkî (SAMER) Yuksel Genç, Hemseroka Pêroyî ya Komela Heqê  Merdiman  (ÎHD) Avûkat Eren Keskîne, Hemseroka Pêroyî ya Partîya Herêmanê  Demokratîke (DBP) ya tepiştî Sebahat Tuncele, Parlamenterê Partîya Demokratîke yê Şaran (HDP) yê Amedî Îmam Taşçıer, Aktîvîsta Tevgera Jinên Azad (TJA) Ayşe Gokkane, Endamê Heyetê Îmralî û Parlamentero verên ê HDPyî  Sirri Sureyya Onder, Parlamentero verên ê HDPyî Ertugrul Kurkçu, Avûkat Îbrahîm Bîlmez, Hemserokê Komela Elewîyan a  Demokratîke (DAD) Mûsa Kulu û Serekê Federasyonê Komela Suryanîyan Evgîn Turker.