Kongreya ciwanan a HDPyî Amed de bi tewrbîyayîşê bi hezaran ciwanan ameye destpêkerdene.

Kongreya ke qezaya Baxlarî de yena viraştene de dormeyê ci de zafbîyayîşê polîsan bale ancena xo ser.

Hêzê Şorişgêrî yê Ciwanîye (DEV-GUÇ), endamê Partîya Şorişgêrî, endamê Yewîya Wendekaran a Partîya Komînîstî ya Başûrê Kurdîstanî û endamê Yewîya Ciwanan a Îranî tewrê kongreye bîyî.

Kongre de pankartê ‘‘Se beno wa bibo do peynîya ci biheybet bo‘, ‘Bi ruhê jinên ciwan xwe bi rêxistin bike, tecrîdê bişkîne‘ û xeylî pankartê bînê ke mesajê xoverdayîşî danê ameyî aliqnayene.

Ciwanan destpêkerdişê kongreye ra verî bi kilaman govend girewt. Cinîyê ciwanî yê ke bi kincanê xo yê neteweyîye tewrê kongreye bîyî, bale ante xo ser.

Kongre ra sloganê "Bê Serok jiyan nabe", ‘‘ma do bi xoverdayîşî qezenc bikerê‘‘, ‘‘ PKK şar o şar tîya de yo‘‘ û "Jin, jiyan, azadî" û vengê tîlîlîyan berz beno.

Kongre do bi qiseykerdişan dewam bikero.