Gola Anzele ya Amedî emser zî bîye cayê zîyaretê domanan. Domanan serewextê hamnanî de seva ke kelegermê Amedî ra xo bifeletnê kewtêne gola Anzelî û bi asnawkerdiş wextê xo bi kêfweşî vîyarnayêne. Seva ke hewa bi serd domanî do seva ke ancî bikewê gole ganî hamnano ke bêro bipawê.     

Gola Maseyan (Balıklı Havuz) ya Sûrî ke wextêk bîbî meseleya efsaneyan netîceyê şaristanbîyayîşê şaşî de serra 1978 de bi temamî bî vinî. Dima ra zî serê ci de banê îtfaîya ame viraştene. Dima ke gola Anzele amî tehrîbkerdene û awa ci girêdîyaye bi şebekeyê bajarî maseyê gole heme bî vinî.

SERRAN RA DIMA HETÊ ŞAREDARÎYA DEHAPÎ RA REYNA AMÎ VETENE

DEHAPî serra 2004 de dest bi tadîlatê ci kerd, awa Anzele û gola Maseyan dimayê 36 serrî ke ameybî binerdkerdene vetî meydan.

Awa Anzele ke wextêk seva xebetnayîşê arêyan zî ameyêne şuxulnayene, dima ke cuye dayêne bexçeyanê Hewselî kewtêne royê Dîcle. Ewro awa Anzele ra dima fotografê sîya-sipey ê ke serra 1915 de ameyê antene ke destê cinîyan de dargopikî, hênîyî ser o cilan şonê mendê.