Herêma Kurdistanî de netîceyê weçînitişê meclîse ke 30ê Êlule de amebi viraştene 20 rojan ra dima bi hawayêkê fermîyî ameyî eşkerakerdene. Netîceyî ganî mîyanê 72 saetan de biameyêne eşkerakerdene. Netîceyê nêfermî yê ke verî ameybî eşkerakerdene, înan rê xeylî partîyanê sîyasîyan îtîraz kerdibi.    

Netîceyê fermîyî yê ke hetê Komîsyonê Weçînitişî yê Xoserî yê Berzî yê Herêma Kurdistanî ra ameyî eşkerakerdene wina yê:

Rey û hûmara sandalîyanê partîyan wina yê:

PDK: 686 hezar û 70 reyî, 45 parlamenterî

YNK: 319 hezar û 912 reyî, 21 parlamenterî

Têgêrayîşê Goranî: 186 hezar û 903 reyî, 12 parlamenterî

Têgêrayîşê Nifşê Neweyî: 127 hezar û 115 reyî, 8 parlamenterî

Komela Îslamî: 109 hezar û 494 reyî, 7 parlamenterî

Koalîsyonê Reformî: 79 hezar û 434 reyî, 5 parlamenterî

Koalîsyonê Serdemî: 15 hezar û 581 reyî, parlamenterêk

Azadî: 8 hezar û 63 reyî, parlamenterêk

11 parlamenterê kemîyan:

Averberdişê Tirkmenî: 2

Reformê Tirkmenî: 1

Millet: 1

Cepheyê Tirkmenî: 1

Koalîsyonê Yewîya Neteweyî: 3

Rafideyin: 1

Ermen: 1

Suryanî, Meclîsa Şarî ya Keldanî: 1

Komîsyonî da zanayene ke serekê lîsteya YNKyî Kubad Talabanîyî 182 hezarî û 551, serekê lîsteya Têgêrayîşê Nifşê Neweyî Şaswar Abdulwahidî 106 hezarî û 289 û serekê lîsteya Têgêrayîşê Vurayîşî (Goran) Alî Heme Salihî zî 91 hezarî û 934 reyî girewtê.