Başûrê Kurdîstanî de prosesê raydayîşî dest pêkerd
Seba weçînayîşê parlamentoyî yê Başûrê Kurdîstanî prosesê weçînayîşî dest pêkerd. Ewil do 170 hezar kesê ke mîyanê înan de pêşmerge, wezîfedarê ewleyîye û karmendî estî, ray bidî.
Başûrê Kurdîstanî de 30ê êlule de do weçînayîşê parlamentoyî bêro viraştene. Labelê seba pêşmerge, wezîfedarê ewleyîye û karmendan prosesê weçînayîşî ewro dest pêkerd.
Karê raydayîşî ewro bi qerarê Komîsyonê Weçînayîşê Berzî yê Xoserî ewro saete 8.00 de dest pêkerd û do heta saete 18.00 dewam bikero.
Pêro pîya heqê raydayîşî yê 170 hezar pêşmerge û karmendan esto. Zafaneyê rayan Hewlêr de yî û rayê ke teberê Hewlêrî de yî hûmara înan 76 hezar 253 ya.
Weçînayîşê pêroyî yê parlamentoyî do 30ê êlule de bêro viraştene.
