Başûrê Kurdîstanî de 3 mîlyon 85 hezar 416 kesî hezar û 240 merkezan de ray danî. Pêro pîya 42 hezar 170 kesî sindoqan de wezîfedar î.

Weçînayîşan de 29 lîste, partî û koalîsyonî ra 773 namzedî estî û nê namzedî seba 111 kursîyan têkoşîn danî. Namzedan ra 241 namzedê cinî û 532 namzedî zî camêrd î.

Tena wezîfedarê sindoqan nê, do taqîbkerdoxê neteweyî û mîyanneteweyî zî do bibî.

Seke yeno zaneyene, Komîsyonê Weçînayîşê Berzî yê Xoserî yê Herêma Kurdîstanî aşkere kerdbi ke ê do mîyanê 72 saetean de netîceyê weçînayîşî aşkere bikerî.

Raydayîşo ke saete 8.00 dest pêkerd, do heta saete 18.00 dewam bikero.