Merkezê Îrtîbat û Çapemenîya Hêzê Pawitişê Şarî (HPG) derheqê çalakî û pêrodayîşanê Vakurê Kurdîstanî de îzehetêko nuştekî da. HPGyî dîyar kerd ke Bedlîs de 3 leşkerî kişîyayî, 4 leşkerî birîndar bîyî û gerîlayo bi nameyê Şahan şehîd bîyo.

HPGyî aşkere kerdo ke Êlih de gerîlayêkê înan esîr kewto û derheqê pêrodayîş û hêrişê artêşa tirkî yê Erzînganî de melumatî dîyayî.

Îzeheto ke keyepelê HPGyî de dîyayo, wina yo:

BEDLÎS DE OPERASYON Û PÊRODAYÎŞ

“16ê êlule saete 11.00 de artêşa tirkî vera şehîdgeh û dormeyê ci de operasyon dayo dest pêkerdene. Operasyono ke bi destekê wesayîtê sîlehinî yê bêmerdiman ameyo viraştene, çarçewaya operasyonî de teyara û helîkopterî saete 17.00 de herême bombevaran kerdî. Bombevarankerdişî ra dima mabênê hêzanê ma û leşkeran de pêrodayîşî qewimîyayî. Netîceyê pêrodayîşan de 3 leşkerî merdî, 4 leşkerî birîndar bîyî. Pêrodayîşan de embazê ma Şahanî heta guleyê xo yo peyên şer kerdo û şehîd bîyo. Ma do dima ra nasnameyê embazê xo raya pêroyî reyde pare bikerî. Operasyon 17ê êlule de tepîya ancîyayo.”

ERZÎNGAN DE PÊRODAYÎŞ

15ê êlule saete 22.30 de warê Çaglayanî ra girêdaye Newala Magaçurî de mabênê hêzanê ma û yê artêşa tirkî de pêrodayîş vejîyayo. Labelê hûmara merde û birîndaran nêameya zelal kerdene. Pêrodayîş ra dima artêşa tirkî 16ê êlule de operasyon dayo dest pêkerdene.

15ê êlule qezaya Hezo ya Êlihî de gerîlayê bi nameyê Rojhat (Saît Îlmîn) wexto ke ser wezîfeyê xo de bîyo, esîr kewto destê dişmenî.

HÊRIŞÊ HEWAYÎ

Teyarayê artêşa tirkî 18ê êlule saete 10.00 de hêrişê Girê Kartalî yê qezaya Geverî ya Colemêrgî kerdî. Saete 16.45 de zî hêrişê Girê Kesta kerdî.

17ê êlule mabênê saetanê 10 û 12.00 de teyarayî hêrişê newala Kesta û Werxelê ke girêdayeyê herêma Zapî yî, bombevaran kerdî.”