Parlametera HDPyî Meral Daniş Beştaşe dîyar kerd ke AKP wazeno ke bi operasyonê vera sîyasetmedar û rojnamegeran îqtîdarê xo bido rametene û şarî rê bîat bide kerdene. La ê seken wa bikerî nêşkenî serkewtiş dest bifînî.
Parlamentera HDPyî Meral Daniş Beştaşe operasyonê qirkerdişê sîyasî yê AKPyî ser o qisey kerd.
Bi ‘gereyo nimte‘ Merkezê ci Amed 8 bajaran de operasyonê qirkerdişê sîyasî de bi desan kesî ameyî tepiştene. Meral Daniş Beştaşe vera naye hêrsê xo arde ziwan û va: ‘‘ Operasyonê ke bi nameyê ‘KCK’yî de 2009î de ameybî viraştêne, nê operasyonî sey dewamê înanê. Senî ke o dewre de sîyasetmedar, rojnameger, cinîyê azayê meclîsî û heşaredarî hedef geriyayêne, eywro eynî çî beno.‘‘
Beştaşe qiseykerdişê xo rê wina dewam kerd: ‘‘Operasyonan eşkerayîya qeyûmî yê Erdoganî ra dima dest pêkerd. Xora cuwa ver zî Erdogan weçînayoxê HDPyî zî sey terorîstî nîşan daybî. Nê ra kes eşkeno bîvînî ke weçînayîş tena qale de esto, xapînayîş o. La rixmê heme herîşan HDP do weçînayîşî de qeyûman ra şaredarîyan peyser bigiro.
TERS NÊ HÊRS BENO GIRDE!
Beştaşe operasyonanê qirkerdişê sîyasî sey destpêkerdişê xebatê weçînayîşî yê AKPyî hesibna û va: ‘‘ Wazenê ke naye sey çîyeko normal bikerî, la ma na bêhuqûqîyê qebûl nêkenî do mekerî. Cayê embazenê ma do veng nêmano. Ê ke nê operasyonan virazenê ci rê xebera mina xirabe esta, wa naye xo vîra mekerî, ê seken wa bikerî HDP weçîyanîşî de cayê xo do bigerê û heme qeyûman ra şaredarîyanê xo peyser bîgero. Ê ke bi operasyonan wazenê vernîya naye bîgerî wa hole bizane ke nê şar nê zî HDP nêterseno û verê înan de çok nêdano. Nê hêrişî tena hêrsê şarî zafêr kenî.‘‘
