Rayîr xeylî derg o. Cayê resayîşî mekanêkê gerîla yo. Tîje corî ra dana ma ro. Hecî kuryetîye keno. Vernîya ma de rayîr ra şino.  Reyêk wexto ke agêra mend ma ya, ferq kerd ke ma sey ey lez rayîr ra nêşinî. Gerîla Hecî vîneno ke lewê ma têşanî ra bîyê ziwa, pirvazd awe ano, dano ma.

Hecî, gerîlayêko ereb  o. Şengalij o. Serra 2016î de tewrê gerîlayan bîyo. Hêrişê DAÎŞî yê vera Şengalî ey û keyeyî ci ser o tesîreko gird kerdo. Rayîr ra ge-ge îmkanê qiseykerdişî ma bibo zî ma hema derheqê ey de çîyek nêzanayêne.

Cuwa pê dest bi qiseykerdişî kerd. Her destpêkerdişê qalê Şengalî û keyeyê ci de çimê ey bîyêne pirî hesirî. Xeylî gelçvetişî ra dima tena destûrê antişê çend fotografan da.

Nê demê rayîrî de ma xeylî gerîlayî şinasnayî. Her yew  hêrişanê cîya- cîyayan rê şahîd bîyê û bi sebebanê cîyayan tewrê PKKyî bîyê la nuqteya hempare yê pêrune estbî; vera faşîzm û kolonyalîzmî mucadelekerdiş. Demê peyênî de bi taybetî tewrbîyayîşê ereban zafêr bîyo. Hecî zî înan ra yew bi.

Hecî bi waştişê hemverê DAÎŞî de mucadelekerdişî tewrê sefanê PKKyî bibi û vatêne ke PKK semedê ey omîdêko gird o. Hecî vano ke  ‘‘ Mi waştêne ke hemverê yê ke zirar danî merdimîye de şerr bikerî û cayê nê zî PKK yo û ez zî tewrê PKKyî bîya. Ewro ra tepîya ez bi heme hêzê xo hemverê faşîzmî de şerr kena.‘‘

Hecî hêrişanê vera Kurdîstan û Rojhelato Mîyanênen zî ano vîrî û veng dano gencanê ereban û vano ke: ‘‘Vera hêrişan  tena PKKyî de  şerr yeno dayene. Gencê erebî ganî tewrê PKKyî bibî û hemrayîye û merdimîye ya PKKyî bivînî û bicuyê.