Cenazeya Dalkiliçî 9 aşmî ra dima defin bîye

Gerîlayê HPGyî Yûsûf Dalkiliç par Çewlîg de şehîd bibi û goristanê bêkesan de amebi defin kerdene. Merdimanê Dalgiliçî 9 aşmî ra dima canazeya ey guret û qezaya Çermûgî ya Amedî de defin kerde.

Par Qezaya Dara Hênî ya Çewlîgî de netîceyê operasyonê ateşa tirkî de gerîlayê HPGyî Yûsûf Dalkiliç (Hakî Çermîk) bi hîrê embazanê xo şehîd kewtbi. Cenazeya Dalkiliçî goristanê bêkesan yê Meletî de amebi defin kerdene. Merdimanê ey eşnawit ke lajê înan o, cade muracat kerd û cenazeya Dalkiliçî 9 aşmî ra dima guret û berd dewa Kalecîkî ya qezaya Çermûgî ya Amedî de defin kerde.

Parlamenterê HDPyî yê Amedî Hişyar Ozsoy û îdarekarê HPDyî yê bajarî zî tewrê merasîmê definkerdişî bîyî. Merasîm de ame vatene ke kurdî zaf çî deyndarê şehîdanê xo yî û ê rixmê peroyê astengîyan zî do rêçê şehîdanê xo de têkoşîn bidî.