Qezaya Licê ya Amedî de bombardûmanê hawayî yê artêşa tirkî yê 29ê temûze de, di gerîlayî şehîd kewtbî. Nînan ra cenazeyê Mukaddes Çaglare ewro hete merdimanê ci ra Niweşxaneyê Cigerayîş û Perwerdeyî yê Gazî Yaşargilî ra gerîyaye û Goristanê Yenîkoyî yê Baglarî de ameye defin kerdene.

Parlamentera HDPyî ya Amedî Remzîye Tosune, îdarekarê HDP û DBPyî yê bajarî û qezayan, aktîvîstê MEYA-DER û TJA û xeylê kesî seba cenazeye ameyî pêser. Polîs dormeyê goristanî bi wesayîtanê zirxinan girewte bine ablûqa û destûr nêda şêlîg şiro goristan. Binateyê Remzîye Tosûne û polîsan de pêrodayîş vejîya. Şelîgî cenaze canêverda, wayîr şehîde xo vejîya û bade definkerdişî vila bi.

Seba Mudakaddes Çaglare 2 rojî cuwa pê Antalya de cayo ke keyeyê aye ronişeno, ewja de tezîye do bêro ronayene.

Pero bîn ra gerîlaya bîn Gonul Çelike ke eynî bombardûman de şehîd kewtbi , cenazeyê aye zî ewro hetê merdimanê ci ra gerîyaye. Cenaze do Semsûr de bêro defin kerdene.