Cenazeya gerîlayê HPGyî Erî 8 mengî ra dima amî definkerdene

6ê Nîsane de bi Wesayîtê Hewayî yê Bêmerdimî yê Bisîlehî (SÎHA) hêrişêk koyanê Amanosî ser o virazîyabi, nê hêrişî de gerîlayê HPGyî Bariş Erî cuya xo vîndî kerdebî. Cenazeya ê 8 mengî ra dima hetê keyeyê ê ra amî definkerdene.

Cenazeya gerîlayê HPGyî Bariş Erî  8 mengî ra dima hetê keyeyê ê ra amî definkerdene.

GORÊ ERÎ DE CENAZEYÊKA BÎNE

Seba ke cenazeya Erî Goristanê Burukî de cayê bêkesan de amebi definkerdene keyeyê ci semedê testê DNAyî nimûneyê gonî da. Hewteyo verên de dima ke testê DNAyî yewbînan pêgirewtî keyeyî muracatê Saziya Tibê Edlî yê Edeneyî kerd. Vizêr dima ke keye nezaretê  polîsan de şi gorî ser dî ke herinda cenazeya Erî de cenazeyêk ke nasnameyê ci nêna zanayene yena vetene. Naye ser keyeyî ancî muracatê ATKyê Edeneyî kerd. Ewro polîsan Goristanê Burukî de yewna gorî akerd û cenazeya Erî keyeyê ci rê amî teslîmkerdene.

Cenazeya ke hetê keyeyî ra gîrîyaye ablûqaya polîsan de ame ardene bi Goristanê Kuçukoba û ûca amî definkerdene.