Hukmatê AKPyî wexto ke  Şaredarîya DBPyî ya Colemêrgî xesp kerde sey heme cayan bînan tîya de zî şarê rê xizmet ame birnayene. Colemêrg de bi varayîşê vewre zura ‘Ma şarî rê xizmet ard‘ yê AKPyî reyna vejîyayî meydan.

Colemêrg de rîyê varayîşê vewre ra heme rayîrê qefîlyayî. Bi seyan wesayîtî rayîr de mendî û domanî nêeşkayî şirê dibistanî. Şaredarîya AKPyî ke îradeyê şarî xesp kerde herinda  şarî rê xizmetkerdişî de tena rayîrê qereqolan akerdî.

Hemwelatijanê Colemêrgî qayûmî rê hêrsê xo ard ziwan û vat ke Şaredarîya DBPyî  rixmê heme herîşanê dewlete şarî rê xizmet kerdêne la qayûm tena zirar dano şarî. Şarê Colemêrgî  vat ke ê seba fetilnayîşê qayûmî weçînitişanê cayîyan pawenê.