Qezaya Erdîşî ya Wanî de kelemo ke aşma Gulane de yeno ramitene, aşma Teşrîna verêne de hesedê ci dest pêkerd û do heta aşma Kanûne dewam bikero.

Eke nê kelemî heta aşma Kanûne merî rotene, binê vewrî de misêlo benî. Kelemê Erdîşî Colemêrg, Îdir, Mûş, Bedlîs û Amed a pîya xeylî bajaranê Kurdîstan û Tirkîya de yeno rotene.

Kelemo namdar yê Erdîşî  werdeyê  sey  tirşî, dolmma û şorbe de yeno şuxulnayene.

Şarê Erdîşî ke bi citkarî îdareyê xo keno û rîyê polîtîkaya xeletî ya citkarî ya AKPyî ra xeylî cayê citkarî vînî kerdo, hukmatî ra hêrsbîyaye yo û rixmê krîzê aborîyî xo ver dano.

Alî Saso ke citkarî keno û Bedlîsî ra seba herînayîşê kelemî şîyo Edîş ê zî da zanayene ke rîyê krîzî ra citkarî û şar zaf tengayîyan ancenî.