Erdîş de JOH û POHî eşt serê keyeyêk

Qezaya Erdîşî ya Wanî de JOH û POHan eşt serê keyeyêk. Hewna ke êyê ke keye de bîyî nevejîyabî teber zî bombayê gazî erzîyayî zereyê keyeyî.

Hêzanê JOH û POHî mehlaya Hespenekî ya pabesteya qezaya Erdîşî ya Wanî de, bi îdîaya ke gerre bîyo saetanê şewe de eşt keyeyan ser.

Polîs û leşkerê tirkî yê ke kewtî keyeyê kesê bi nameyê Mehmet Polatî ferdanê keyeyî ra waşt ke tavilî keye ra vejîyê. Ferdanê keyeyî hewna ke fam nêkerdî se bîyo û nêeşkayî vejîyê teberê keyeyî bombayê gazî ameyî eştene zereyê keyeyî. Dewijê ke warway û bi cilanê şewe vejîyayî teber zî ameyî kuwitene.  

  

Polîs û cendirmeyan vernî ro dewijanê ke waşt adirê keyeyî bitefênê girewte, şarî serdê şewe de bi saetan teber de vindarna. Taximê cihêzê ciwananê keyeyî yê ke do hewteyêna veyveyê înan bibîyêne zî ameyî vêşnayene. 

Mehmet Polato ke çîyê ke ameyî înan serre qal kerdî bi vatişê “Keyeyê ma bi temamî rijîya, keye de cigêrayîş ame kerdene. Madem înan hende cigêrayîş kerd û ma zî sûcdar ê, çira înan keye de çîyêk nêdî” reaksîyon ramot.