Nêzdîbîyîşê weçînayîşê cayî AKP Erdîşî de bi rayîrê polîs û eskeran zextêko giran şarî keno. Qezaya Erdşî ya Wanî de, polîs û eskeran demo peyên de eşt serê seyan keyeyan, bi seyan kesî destbend kerdî û bi desan kesî înan ra tewqîf kerdî. Zereyê 22 rojanê peyênan de Erdîşî de 90 kesî ameyî destbendekerdene, 47 ci zî ameyî tewqîfkerdene.

Zereyê 2 menganê peyênan de  200 keyeyan rê sereştişî ameyî viraştene û bi seyan kesî ameyî destbendekerdene, 93 kesî ameyî tewqîfkerdene. Mabênê 5 û 7’ê Sibate de 29 kesî ameyî destbendekerdene,  23 înan ra bi “hetkarîya seba rêxistine” û “emdamîya rêxistine” ameyî tewqîfkerdene. 6 kesî zî bi şertê kontrolê edlî ameyî verdayene. Zereyê 22 rojanê peyênan de tewr kêm 90 kesî ameyî destbendekerdene ke înan ra yewe cinîkêda kokim a 86 serrî bîye ke nêweşa tansîyonî û şekerî bîye. 90 kesê ke ameyî destbendekerdene ra 47 kesî bi îdîaya “hetkarîya seba rêxistine” û “emdamîya rêxistine” ameyî tewqîfkerdene.