Erdiş de zilm û zextê îqtîdarê AKPyî

Erdîş ke erdlerzê 2011î de ser û bin bibî, xizmetê dewlete tewr pîlê qeza de viraştişê banê mudurîya asayîşî û hepsêko newe yo.

Erdlerzê Wanî 8 serrî xo dima verdayî la merkezê qeza Erdişî hema sey xirabeyî yo. Îqtîdarê AKPyî  ke 10 serrî yê nêşkeno newêşxaneyêk biqedeno, banê mudurîya asayîşî serrêk de qedîna û rixmê estbiyayîşê 2 zindanan nika zindanê hîrên virazeno.

Erdlerzî ra dima banê ke 30 TL yî bi, 80 TL ra dîyayî şarê Erdişî. Şaro ke bananê TOKÎ de roneşeno, deyndaro û bisebebo ke nêşkeno deyne xo dewlet û bankayan rê bido, tengayî aneceno.

Citkarî ke şar bi îdareyê xo keno, hukmat tîyarî zî destê xo derg kerd û biradişê kota zehmetîyê welatijan zêdîna. Reyna wareyî qedexe kerdî  û heywanîye qedîna. Şaro ke bi weyekerdişê pes- diwarî îdareyê xo keno tengayî anceno.

QEYÛM RA DIMA AWA ŞIMITIŞÎ AMEYÎ PESNAYENE

Ameyîşê qeyûmî ra dima awa şimitşî zî ameye pesnayene. Hîre roje cuwa ver mehlaya Sulî ke 30 kesî tede ronişenê bisebo ke 2 serrî yê awa şimitişî nêdîyena ci bi seyan kesan çalakîyêk viraşt. Polîsan hêrişê şelîgî kerd.

Erdîş bi nufusê xo yê 200 hezarî sey dewêk eyseno. Bêkarî sede 80 zafêr o. Bi seyan kesî seba fîkrê xo yê sîyasî ameyî tewfîqkerdene. Polîsê AKPyî nêverdeno ke esnafî gureyê xo bikerî. Erdîş de her hetî ra şar hukmatê AKPyî ra tengayî anceno rixmê heme keratîye vera hêrişanê ci sareberz xo ver dano.