Ame musayene ke operasyonê artêşa tirkî yê herêma Faraşînî ya qezaya Elkê ya Şirnexî de binateyê leşkeranê tirkî û hêzê gerîlayan de pêkewtiş vejîyayo.
Goreyê çimeyanê herêmî pêkewtiş de xeylê leşkerî merdî û birîndar bîyî. Pêkewtişî ra dima konvoyêk ke 40 wesayîtê zirxinan ra pê yeno, merkezê Şirnexî ra ver bi Elkê şi.
QILEBAN DE HEDREYÎYA OPERASYONÎ
Pero bîn ra goreyê xebaranê herêmî herêma Kaşûra ya qezaya Qilebanî ya Şirnexî de hedreyîya operasyonî yena kerdene. Seba tewrbîyayîşê operasyonî qoricîyê Elemûn, Şîfrezan, Aşûtê û Arûşê tabûrê Elemûnî de, ê Yekmalê, Hedrîs, Megehê, Nêvrehê û Sêgirkê zî tabûrê Yekmalê (Habûr-2) de ameyî pêser kerdene.
Merkezê Îrtîbat û Çapemenîya HPGyî hema derheqê babete de eşkerayî nêdayo.