Mehlaya Gokçetevekî ya qezaya Farqînî ya Amedî de vizêr saetanê şandî de qewimîyayîşêk virazîya. Yeno vatene Nedîm Ogramako ke hêgayê xo ra agêra traktora xo verê keyeyê Cuneyt K.yî de park kerde. Naye ser mîyanê Cuneyt K. û Nedîm Ogramakî de munaqeşe virazîya. Dima ke birayê Nedîm Ogramakî Mevlut Ogramak zî tewrê munaqeşeyî bi, munaqeşe hîna  bi pîl û Cuneyt K. û birayanê ê Îmran K. û Umut K.yî bi tifinganê pompayinan hêriş kerd. Netîceyê adirî de Nedîm Ogramakî cayê qewimîyayîşî de cuya xo kerde vinî, birayê ci Mevlut Ogramak zî bi giranî birîndar bi. Mevlut Ogramako ke ame berdene bi nêweşxane ewro saetanê sibayî de cuya xo kerde vinî. Tedawîya Umut K.yî yo ke qewimîyayîşî de birîndar bibi nêweşxane de dewam kena.  

 Ame zanayene ke Îmran K. gîrîyayo binê nezaretî, Cuneyt K. zî qewimîyayîşî ra dima remayo.