Fermandarîya HPGyî: Şarê ma wa vera çeteyan hîşyar bo

Fermandarîya Qerargehê HPGyî da zanayene ke Kurdistanî de û metropolan de tayê mektûbê ke serê nameyê HPGyî de amê nûştene estê û wina vat: “ganî şarê ma îtîbarê ê kesanê ke raşte raşt cayan rê notan şirawenê yan zî pereyan arê danê nêkero.”

Fermandarîya Qerargehê Merkezî yê Pawitişê Şarî (HSM) eşkerayîyêka nûştekîye daye û vat: “Nê wextanê peyênan de tayê herêmanê Kurdistanî de û metropolan de serê nameyê tayê fermandarîyanê HPGyî de mektûbî nûsîyayê û teşebusî ameyê kerdene ke şarê ma ra pereyan bigîrê.”  

Eşkerayîye de vajîya: “Naye ser o ma sey qerargehê HSMyî qerar da ke eşkerayîyêk bidê.

Bicaardişê ma yo ke ma bi mektûban şarê xo ra hetkarî biwazê çinyo. Xebatê winayênî bi temamî bi mabênkarîya kesanê saxlem û baweran, bi pêvînayîşanê têrîyan yenê rayraberdene.”

Eşkerayî wina dewam kerd: “Kesê ke teberê nê metodanê ma de şarê ma ra pere arê danê, çete yê ke hetê dişmenê kolonyalîstî ra yenê organîzekerdene. Amacê nê çeteyan o yo ke şarê ma yê welatperwerî bixapênê, bişelênê û xîlaf bifînê mabênê înan û Mucadeleyê Azadîya Kurdistanî. Naye ra ganî şarê ma îtîbarê xo bi înanê ke raşte raşt dormeyan rê notan şirawenê yan zî pereyan wazenê nêarê.”

“ŞARÊ MA GANÎ YEW QURUŞÊ XO ZÎ NÊDO”

“Kesê ke bi nê notan înan ra pere yeno waştene ganî seba tehqîqatî nê notan bi hawayêk biresnê fermandarîyanê ma yê eleqedaran, rayîro tewr rind no yo. Eke nê mektûbî yan zî notî nêresê fermandarîyanê ma zî ganî şarê ma bi tu hawayêk yew quruşê xo zî nêdo.”

GANÎ HAYÎDAR BIBÊ

Merkezê Pawitişî yê Şarî eşkerayîya xo wina qedênaye: “Şarê ma yo welatperwer û dormeyê demokratîkî yê ke Kurdistan de yan zî metropolan de ciwîyenê ganî hemverê nê çeteyan de û kayanê dişmenî de hayîdar bibê û pere nêdê tu kesêk ke bi nê mektûban yenê înan ver.”