Eşkerayîya Fermandarîya Qerargahî ya Merkezê Pawitişî yê Şarî de ca dîya nînan: "31ê tebaxa 2017î de dewa Dugermanî ya Çewlîgî de pêkewtişê qoricî û gerîlayanê ma de hemrayê ma Şerwan Sîverek şehîd kewt. Eynî pêkewtişî de qoricîyêk zî ame kiştene. 27ê êlula 2017î de ma dabi zanayene ke seba ke Mahmût Bazencîr nê qewimîyayîşî de hemkarîya dişmenî kerdo, ameyo ceza kerdene. La serrêk o ke tehqîqatê ma seba na mesele domîyeno.

Netîceyê tehqîqatê cezakerdişî yê Mahmût Bazencîrî de vejîya orte ke, na çalakîye hetê hêzanê ma ra xeletî ameya viraştene. Mahmût Bazencîr qewimîyayîşanê xeletan ra sey hemkarî ameyo fam kerdene. Netîceyê tehqîqatî de ame safî kerdene ke Mahmût Bazencîr ke keyeyêko welatperwer ra yo, ajan nîyo. No semed ra ma sere de de keyeyê ci, peroyê şarê xo ra ozrê xo wazenê. Sereyê merdimanê ci û şarê ma yê welatperwerî weş bo."