Şaredarîya DBPyî ya Bajarê Girdî ya Wanî ke hetê AKPyî ra ameyebî xespkerdene, fuarê kitaban de weşanê kurdkî qedexe kerdî.

Fuarê Kibatan o ke Fuarê Rojakewtena Mîyanêne û Merkezê Kongre de yeno viraştene de 150 weşanxaneyan ra bi des hezeran kitabî ca gênî. Selahîyetdaranê şaredarîye nasdayîş û rotişê kitabanê kurdkî qedexe kerdî.

Hemwelatijê ke semedê girewtişê kitabanê kurdkî şîyî fuar û eşnawitî ke kitabê kurdkî qedexe yê, selahîyetdaranê fuarî ra sebebê naye persayî. Înan ra ame vatene ke ‘selahîyetê ma yê eşkerakerdişî çîn o.’

Selahîyetdarê ke destûr nêdanê derheqê qedexeyê kitabanê kurdî de dîmen û roportajî bêrî girewtene, xebatkaranê çapemenîye rê zî dekewtişê fuarî qedexe kerd.