Merkezê Cigêrayîşanê Dêrsimî (DAM) derheqê şewatanê daristanan ke hetê artêşa tirkî ra yenî vetene de îzehetêko nuştekî da.

Ser nameyê DAMî îzehet hetê hunermend Ferhat Tunçî ra ame kerdene. Tunçî va ‘şewatê ke heta nika ge-ge dewam kerdêne, hewteyo bîn reyna dest pêkerdî’ û wina domna: “Şewatê ke aşma tebaxe de ameybî vetene, hetê kesanê zerrîwaştoxan ra ameybî hewna kerdene. Labelê yê ke tebîetê Dêrsimî sey dişmenî vînenî, veng nêvindetî. Şewatî dormeyê Koyê Zelî, Harsî, Arekî, Zargovît û Ahpanosî de dewam kenî. Ma xeberanê newe yê şewatan gênî.”

NETÎCEYÊ POLÎTÎKAYA DIŞMENÎ DE VEJÎYENÎ

Tunçî dewamê qiseykerdişê xo de bale ant wextê şewatan ser û wina va: “Eynî wext de xeylê cayan de şewatî vejîyayî û no zî nîşan dano ke bi hawayo qestî yenî veşnayene. Daristanê ma bi mehneyê operasyon û ewleyîye yenî veşnayene. Wexto ke selahîyetdarê dewlete cemxane de bi destê muftîyî loqme vila kerdêne, adir kewtêne ocaxanê gakovîyan. Ma veng danî roşnvîr, hunermend û raya pêroyî ke wa hîna zaf nê zulmî temaşe nêkerî. Ganî ma tebîetê Dêrsimî rê bibî dalpeyêka awe